Hvað varð um Í BLÍÐU OG STRÍÐU?

Eftir svona leik vill maður bara óska íslensku leikmönnunum innilega til hamingju með frábæra þrautseigju og senda þeim hvatningarorð og baráttukveðjur... en hvað varð um blessaða vefmiðilinn í blíðu og stríðu þar sem ég skráði mig sem stuðningsaðila íslenska karlalandsliðsins í handbolta??? Það er nú greinilega ekki mikið í blíðu og stríðu þegar maður opnar ibs.is þá kemur bara að eftirfarandi vefsíða hafi verið lögð niður... sorglegt þar sem að ég vil ekkert gera frekar núna en að láta landsliðið vita að ég er stolt af því að vera Íslendingur og þakka þeim fyrir frábæra skemmtun og óska þeim góðs gengis í komandi átökum!!! Áfram Ísland!!!!!

Jafntefli gegn Danmörku

Hvers konar tól er það?

Alltaf gaman af skemmtilegum stafsetningavillum :D

Dýrmætur sigur hjá Tindastóli

Samsæri stjórnvalda?

Ég heyrði skemmtilega kenningu fyrir nokkrum dögum... þar sem að Vestmannaeyingar mega búast við nýjum farkosti í samgöngum innan nokkurra ára - hinni títt umræddu Bakkaferju sem hefur verið vægast sagt umdeild. Þó svo höfundur hafi enn ekki gert sér upp skoðun á slíkum samgöngum þá eru margir sem vilja meina að fleiri ferðir muni falla niður sökum ófærðar í Bakkafjöru en nokurn tímann með Herjólfi.
Því fól þessi samsæriskenning sem ég heyrði um daginn í því að það væru samantekin ráð af stjórnvöldum og stjórnendum Eimskipta að fella markvisst niður ferðir þegar tækifæri gefast með Herjólfi til að venja okkur við komandi samgöngumáta.
Eflaust getur veður verið að versna alveg rosalega eins og á víst að gera með gróðurhúsaáhrifum en ekki man ég nokkurn tímann eftir að ferðir herjólfs hafi fallið niður eins oft og hefur gerst síðustu hvað skal segja 12 mánuði.
Auðvitað á að fella niður ferðir þegar veður er slæmt og Þrengslin ófær en að fella niður seinni ferð síðasta föstudag þegar færðin var orðin betri um þrengslin og af því að það var orðin tveggja tíma seinkun er fáranlegt... hve margir hafa ekki lent í álíka seinkun hjá Herjólfi? Fyrir utan það þá finnst mér líka óskynsamlegt að fella niður báðar ferðir strax um morgun dags þegar veður gæti skánað yfir daginn. Ég verð bara að segja að mér finnst þessir starfshættir dálítið furðulegir.

Með bestu kveðjum
Strandaglópur í Reykjavík :D

Ferðir Herjólfs falla niður

Til hamingju Margrét Lára :D

Það urðu læti á Sólhlíð 7 þegar Steini Gunn tilkynnti Íþróttamann ársins. Heimilishundurinn vissi ekki hvað gekk á þegar ég gargaði :D Elsku Margrét Lára, innilega til hamingju með þennan frábæra titil sem þú ert virkilega vel að komin. Frábær knattspyrnukona, enn betri fyrirmynd allra íþróttaiðkenda hvort sem er ungra eða aldinna og svarar fyrir þig eins og þaulreyndur pólitíkus. GOTT HJÁ ÞÉR! ÞÚ ÁTT ÞETTA INNILEGA SKILIÐ.

Margrét Lára íþróttamaður ársins

Ég tek ofan fyrir hetjum Íslands

Á meðan ég kúri undir sæng og hugsa hvort ég muni nokkurn tímann ná að festa svefn með  veðurofsann berjandi á svefnherbergisglugganum mínum, þá er harðduglegt og ósérhlífið björgunarsveitarfólk dúðað upp í kraftgallana sína að fara út og berjast við náttúruöflin. Vildi að ég gæti gefið þeim sjóðandi heitt súkkulaði en ætla bara í staðinn að kaupa hellinginn allan af skoteldum af þeim fyrir áramótin og hvet alla sem vettlingi geta valdið að gera hið sama og styðja þetta frábæra starf.

Landsbjörg í viðbragðsstöðu

Læt ekki mitt eftir liggja

Jæja.. ég er alla veganna búin að láta mitt álit heyrast. Sendi þingmanni mínum skemmtilegt bréf varðandi samgöngumál og hvet alla sem hafa eitthvað áhugavert innlegg í umræðuna að gera slíkt hið sama... til hvers eru annars þingmenn?

 Með kærri Eyjakveðju

 Hildur Sólveig Sigurðardóttir 

Nýjasta áhugamálið

Samgöngumál eru greinilega orðin nýjasta áhugamál mitt, miðað við tímann sem ég eyði í að hugsa um þau. Hvert sem maður fer í dag heyrir maður lastað yfir slippferð Herjólfs og hvað þetta kemur hinum og þessum illa og hvað þetta kemur auðvitað upp á slæmum tíma. Hef það reyndar eftir nokkuð áreiðanlegum heimildum að þetta ákveðna atriði, lélegar pakkningar,  hafi Eimskipum verið boðið upp á að lagfæra síðast þegar skipið fór í viðgerð en þá hafi þeir ákveðið að spara Ríkiskassanum nokkrar krónur.

Auðvitað höfum við Vestmannaeyingar að stóru leyti kallað þetta yfir okkur sjálf. Með óeiningu um samgöngumál (Nýr Herjólfur/göng/Bakkafjara) höfum við auðveldað stjórnvöldum að setja þetta málefni á hakann. Auðvitað er nýtt skip málið, Herjólfur því miður þolir ekki þetta álag sem fjórar ferðir á dag er. Skipið hefur verið ræst amk 20 þúsund sinnum frá því að það kom. Endurnýjun Herjólfs er nauðsynleg þar til að Bakkafjara verður að raunveruleika. Hvort að það (Bakkafjara) er góð hugmynd eða ekki, ætla ég ekki að ræða um hér þar sem ég hef ekki nægilega þekkingu á.

Með góðum kveðjum, Hildur Sólveig

 

ÓLÍÐANDI

Já ég veit að ég ákvað að búa á Eyju, en ég ákvað að ég myndi búa á Eyju þar sem ég kæmist örugglega til Reykjavíkur með eins dags fyrirvara þó ég myndi þurfa að gista í Herjólfi í 3 klst. sem mér finnst bara fínt... en að leggja bara herjólfi fyrstu vikuna í desember þegar jólaundirbúningur er í hámarki og traffíkin mikil upp á land og bjóða enga varamöguleika er hreint út sagt... FÁRÁNLEGT

 Ég vona innilega að eyjar.net hafi rangar heimildir fyrir þessari frétt því svona atriði er ólíðandi. Á þessum tíma ársins eru flugsamgöngur mjög óöruggar og fjöldi fólks þarf að sækja læknisþjónustu og ýmislegt annað á fasta landið sem það kemst ekki í hér og hefur verið að bíða jafnvel í fleiri vikur eftir tímum sem það þarf svo jafnvel að fresta enn frekar.  

Á fréttavef Eyjafrétta er sérstaklega teknar fram vonir um að flugveður verði gott í næstkomandi viku, ef að það verður flugveður þá vænti ég þess að það verði niðurgreitt enn frekar þar sem þessi leið er eini möguleiki okkar til ferðalaga.

Held að liðið væri hresst þó ég fari nú ekki lengra en á Selfoss ef það væri sagt í dag... nei nei þú ferð ekkert, það þarf að loka Suðurlandsveginum, þurfum að malbika... hinkrið bara fram í næstu viku JÁ SÆLL! 

 Ég er samt rosa hress

Kv. Hildur Sólveig, sjúkraþjálfari, aðstoðarþjálfari í handknattleik og frístundaleiðbeinandi.

Herjólfur í slipp

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.